მოსახლეობას პასუხობ ლოზუნგით, მიწა არ იყიდებაო, - ამის შესახებ საქართველოს პრეზიდენტმა გიორგი მარგველაშვილმა "რუსთავი 2"-ის გადაცემა "არჩევანში" მიწის გასხვისების თაობაზე კანონში ჩანაწერზე საუბრისას განაცხადა.
პრეზიდენტის აზრით, ქართულმა სოფლის მეურნეობამ მოსახლეობის 50% უნდა უზრუნველყოს, თუმცა სანაცვლოდ, რეგიონებში მცხოვრები ოჯახებიდან ადამიანები საზღვარგარეთ არიან ფულის საშოვნელად წასულები.
„ამ ფონზე ჩვენ ვერ ვიტყვით, რომ სოფლად რევოლუცია მოვახდინეთ და ამ ფონზე, როდესაც შენ არ გაქვს ნათელი ხედვა, მიწის ბაზარი ვერ უზრუნველყავი, ამ ფონზე ლოზუნგით პასუხი კონსტიტუციაში? ლოზუნგით, რომ მიწა არ იყიდება? ამას პასუხობ ოჯახს, რომლის წევრიც წასულია და შვილები რომ იზრდებიან ისე, რომ ან მამას ან დედას იცნობენ Skype-ით?“, - განაცხადა გიორგი მარგველაშვილმა.
