თვითმმართველი ქალაქების სტატუსის გაუქმების გადაწყვეტილება დემოკრატიული ქვეყნების სტანდარტებს დაშორებულია, - ამის შესახებ საქართველოს პრეზიდენტმა გიორგი მარგველაშვილმა "რუსთავი 2"-ის გადაცემა "არჩევანში" განაცხადა.
პრეზიდენტის თქმით, თვითმმართველობის რეფორმის კანონპროექტზე მის მიერ ვეტოს დადების თაობაზე საუბარი ჯერ ნაადრევია.
პრეზიდენტისაზრით, ტრივიალური ჭეშმარიტებაა ის საკითხი, რომ ქალაქებს თვითმმართველი ქალაქის სტატუსი უნდა ჰქონდეს იმისთვის, რომ საქართველოში დემოკრატიულ პროცესებს ხელი შეეწყოს. პრეზიდენტის განცხადებით, მოქალაქეებს საკუთარი ქალაქის მართვაში მეტი მონაწილეობის მიღება უნდა შეეძლოს.
მისივე თქმით, დღეს საუბარია იმაზე, რომ ხალხის მეტი ჩართულობა სახელმწიფოს ძვირი უჯდება.
„დღეს საუბარია იმის თაობაზე, რომ, თურმე, თვითმმართველობა, ანუ დემოკრატია, ანუ მეტი ჩართულობა ხალხისა, თურმე, ძვირი უჯდება სახელმწიფოს“, - აღნიშნა გიორგი მარგველაშვილმა.
