„ქართული ოცნების“ წინასაარჩევნო გზავნილი „ჩემი ოცნების თბილისი“ იქნება, - ამის შესახებ მმართველი გუნდის წევრმა აკაკი ზოიძემ განაცხადა.
მისი თქმით, თბილისის მერობის კანდიდატი, კახა კალაძე არის პრინციპული და მიზანდასახული პოლიტიკოსი. მისივე თქმით, ბიძინა ივანიშვილმა უკვე განაცხადა, რომ ის წინასაარჩევნო კამპანიაში არ ჩაერთვება, მაგრამ, როგორც ზოიძემ აღნიშნა, ეს პარტიაზე გავლენას არ მოახდენს.
"კახა არის პრინციპული და მიზანდასახული პოლიტიკოსი, მე თვითონ არაერთხელ მიგრძვნია მისი მხარდაჭერა. თბილისელებს ეყოლებათ ერთგული თანამებრძოლი, პროგრესული, როგორიც ქალაქს შეეფერება“, - განაცხადა აკაკი ზოიძემ.
