თუ ბიძინა ივანიშვილი ჩაერთვება საარჩევნო კამპანიაში, ბუნებრივია, პოზიტივის მეტს არაფერს მოუტანს პარტიასა და მმართველ გუნდს, - ამის შესახებ „ქართული ოცნების“ პოლიტსაბჭოს სხდომის დასრულების შემდეგ, ფრაქცია „ქართული ოცნების“ თავმჯდომარემ მამუკა მდინარაძემ ჟურნალისტებს განუცხადა.
მისივე თქმით, უცნობია დაესწრება თუ არა ყოფილი პრემიერ-მინისტრი მმართველი პარტიის თბილისის მერობის კანდიდატის ოფიციალურ წარდგენას.
”ბატონი ბიძინა ბუნებრივია, მოწვეული უნდა იყოს, თუმცა არ მაქვს ინფორმაცია დაესწრება თუ არა მერობის კანდიდატის წარდგენას. არ ვიცი ის ჩაერთვება თუ არა საარჩევნო კამპანიაში, მაგრამ თუ ბიძინა ივანიშვილი ჩაერთვება საარჩევნო კამპანიაში, ბუნებრივია, პოზიტივის მეტს არაფერს მოუტანს პარტიას და მმართველ გუნდს”, - განაცხადა მამუკა მდინარაძემ.
მან კახა კალაძეზეც ისაუბრა და აღნიშნა, რომ ის უალტერნატივოა.
”კახა კალაძის კანდიდატურა უალტერნატიოა. ის იყო წარმატებული სპორტსმენი, წარმატებული იყო ენერგეტიკაში და ყველა იმ სფეროში, სადაც იყო. მჯერა, ის ისეთივე წარმატებული იქნება თბილისის მერის თანამდებობაზე და თბილისი იქნება ახალი ბრენდი”, - დასძინა მამუკა მდინარაძემ.
