კახა კალაძე იყო და არის გამორჩეული მთავრობის გუნდში, - ამის შესახებ მმართველი გუნდის წევრმა, ეკა ბესელიამ ჟურნალისტებს „ქართული ოცნების“ ოფისში, პოლიტსაბჭოს სხდომის დასრულების შემდეგ განუცხადა.
მისი თქმით, კახა კალაძე წარმატებული ქალაქის წარმატებული მერი იქნება.
„კახა კალაძე არის გამოცდილი, ძალიან კარგი და მნიშვნელოვანი კანდიდატი. გამოცდილი პოლიტიკოსია, მას აქვს ყველა ის თვისება და წარმარტებული ქალაქის წარმატებული მერი იქნება. დარწმუნებული ვარ, ამ გადაწყვეტილების სისწორეში. კახა იყო და არის გამორჩეული მთავრობის გუნდში. მას ძალიან წარმატებული გზა ჰქონდა და დარწმუნებული ვარ, ამ ძალიან საპასუხისმგებლო თანამდებობაზე ის წარმატებული მერი იქნება“, - განაცხადა ეკა ბესელიამ.
