მე მგონი, კახა კალაძეს კონკურენტი არ ჰყავს პარტიებიდან და კანდიდატებიდან, - ამის შესახებ "ქართული ოცნების" წევრმა, ნუკრი ქანთარიამ ჟურნალისტებს პარტიის ოფისთან, პოლიტსაბჭოს სხდომის დაწყებამდე განუცხადა.
მისი თქმით, კალაძის ძირითადი კონკურენტი იქნება ის საქმეები, რომლებიც უნდა გაკეთდეს ქალაქში. მისივე განცხადებით, ის ფიქრობს, რომ ეს იქნება ძალიან ზუსტად ჩამოყალიბებული კახას მხრიდან და ის ღირსეულად გაიმარჯვებს.
როგორც საპარლამენტო უმრავლესობის წევრმა აღნიშნა, კალაძეს ძალიან ბევრი დადებითი თვისება აქვს, მათ შორის ორგანიზაციული უნარი და მიზანდასახულობა.
“მისი ფეხბურთის ვარსკვლავობა დაგვავიწყა ყველას, იმდენად სწრაფად მოახერხა მან, როგორც პოლიტიკოსმა პერსპექტივაში ზრდა. თვალსაჩინოა, როგორც მინისტრი, როგორც პოლიტიკური ლიდერი და მე დარწმუნებული ვარ, როგორც თბილისის მერი, წარმატებული იქნება“, - განაცხადა ნუკრი ქანთარიამ.
