სითი პარკთან ხელშეკრულება არასწორი პირობებით დაიდო, ამ ხელისუფლებამ არაფერი გამოასწორა, ისევე როგორც ბევრ სხვა სფეროში, მაგრამ დღეს მხოლოდ იმაზე ლაპარაკი, რომ სითი პარკი წარსულია და გავწყვიტოთ ხელშეკურლება, არ არის მომავლის შეთავაზება, - ამის შესახებ "ევროპული საქართველოს" თბილისის მერობის კანდიდატმა, ელენე ხოშტარიამ ტვ "პირველის" გადაცემა რეაქციაში განაცხადა.
მისი თქმით, ის ამაყია, რომ მის გუნდს თავის შეცდომაზე შეუძლია ღიად თქვას და იფიქროს გამოსწორებაზე. მისივე თქმით, მსჯელობა იმაზე თუ რა იყო სწორი, რა – არა, კამათი იგივე გიგი უგულავასთან და სხვა წევრებთან, არის ჯანსაღი გარემო.
“მაგალითად ავიღოთ სითი პარკი. ეს ნამდვილად არის არასწორად დადებული ხელშეკურლება გიგი უგულავას დროს. მე ამაყი ვარ იმით, რომ ჩემ გუნდს თავის შეცდომაზე შეუძლია ღიად თქვას და იფიქროს გამოსწორებაზე. მსჯელობა იმაზე თუ რა იყო სწორი, რა – არა, კამათი იგივე გიგი უგულავასთან და სხვა წევრებთან, არის ჯანსაღი გარემო. ამიტომ მჯერა, რომ ადამიანები, რომლებიც ფიქრდებიან თავის შეცდომებზე, აქვთ პასუხისმგებლობა ანუ დეპრესიაში კი არ ვარდებიან ამისგან, არამედ ახალ ხედვას გთავაზობენ", - განაცხადა ხოშტარიამ.
მისივე თქმით, როცა ვიტყვით სითი პარკი აღარ იქნება და ქალაქის ამოცანას ვერ პასუხობსო, ხედვაც უნდა დავდოთ, როგორ გადავწყვეტთ პარკინგის პრობლემას.
"სითი პარკთან ხელშეკრულება არასწორი პირობებით დაიდო, ამ ხელისუფლებამ არაფერი გამოასწორა, ისევე როგორც ბევრ სხვა სფეროში, მაგრამ დღეს მხოლოდ იმაზე ლაპარაკი, რომ სითი პარკი წარსულია და გავწყვიტოთ ხელშეკურლება, არ არის მომავლის შეთავაზება. როცა ვიტყვით სითი პარკი აღარ იქნება და ქალაქის ამოცანას ვერ პასუხობსო, ხედვაც უნდა დავდოთ, როგორ გადავწყვეტთ პარკინგის პრობლემას. ხედვას თუ არ დავდებთ გამოდის, რომ უბრალოდ ვიღაცისკენ ვიშვერთ ხელს ან იმას ვამბობთ, რაც ძალიან პოპულარულია”, – აღნიშნა მან.
