თბილისელებში ის [კახა კალაძე] სუპერ არაპოპულარულია, - ამის შესახებ "ნაციონალური მოძრაობის" თბილისი მერობის კანდიდატმა, ზალიკო უდუმაშვილმა ტვ "პირველის" გადაცემა "რეაქციაში" განაცხადა.
მისი თქმით, ის ამ განცხადებით "თბილისელობაზე" არ აკეთებს აქცენტს.
"არ ვიცი რამდენად პოპულარულია ის ქართულ ოცნებაში, მაგრამ მე შემიძლია დაბეჯითებით ვთქვა, რომ თბილისელებში ის სუპერ არაპოპულარულია", - განაცხადა უდუმაშვილმა.
მისივე განცხადებით, ბიძინა ივანიშვილის ფავორიტთან ბრძოლა არ გაუჭირდება.
"სამი წლის წინ დაწყებული ბრძოლა მე მოვუგე ბიძინა ივანიშვილს. სამი წელი ვიბრძოდი და ეს ბრძოლა ჩემი გამარჯვებით დასრულდა. შესაბამისად, მის ფავორიტთან ბრძოლაც, არ ვიცი კალაძე არის თუ არა მისი ფავორიტი, არ იქნება ჩემთვის ძალიან რთული", - აღნიშნა უდუმაშვილმა.
