მე დარწმუნებული ვარ, რომ როგორც არ უნდა შევცვალოთ კონსტიტუცია, რა ცვლილებაც არ უნდა შევიტანოთ მასში პრეზიდენტი ვეტოს აუცილებლად დაადებს, - ამის შესახებ პარლამენტის თავმჯდომარე ირაკლი კობახიძემ განაცხადა.
მისი თქმით, "ქართული ოცნება" პრეზიდენტისგან ვეტოს საშემოდგომო სესიის განმავლობაში ელოდება.
როგორც ირაკლი კობახიძემ აღნიშნა, საგაზაფხულო სესიის ერთ-ერთი წარმატებული საკითხი საკონსტიტუციო ცვლილებები იყო, რომელიც მე-2 მოსმენით მიიღეს. მისივე თქმით, ეს არის წარმატებული პროცესი, რომელიც ასევე წარმატებით გაგრძელდება და ლოგიკურად დასრულდება.
"ჩვენ შემოდგომაზე მივიღებთ ამ დოკუმენტს მესამე მოსმენით. მზად ვართ დამატებითი კონსულტაციებისთვის. რის შეცვლაც არის შესაძლებელი მესამე მოსმენის ფარგლებში, ჩვენ მზად ვართ ასეთი კონსულტაციებისთვის. ცვლილებები შეიძლება შევიდეს დოკუმენტში. კონსულტაციებისთვის ჩვენ ვართ ღია. კონსტიტუციას საბოლოო ჯამში იქნება მიღებული შემოდგომაზე. ეს არის ის პირობა რომელიც დღესვე შეგვიძლია დავდოთ", - აღნიშნა ირაკლი კობახიძემ.
