„განვითარებულ სახელმწიფოებში საკონსტიტუციო სასამართლო არის იურისტების ერთგვარი ოლიმპო, სადაც თავს იყრიან შესაბამისი ქვეყნის საუკეთესო იურისტები”, - ამის შესახებ საქართვრლოს პარლამენტის თავმჯდომარემ, ირაკლი კობახიძემ განაცხადა.
მისივე თქმით, საქართველოში კონსტიტუციურმა მართლმსაჯულებამ განვითარების საკმაოდ რთული, ოცწლიანი გზა განვლო.
„განვითარებულ სახელმწიფოებში საკონსტიტუციო სასამართლო არის იურისტების ერთგვარი ოლიმპო, სადაც თავს იყრიან შესაბამისი ქვეყნის საუკეთესო იურისტები. საქართველოში კონსტიტუციურმა მართლმსაჯულებამ განვითარების საკმაოდ რთული, ოცწლიანი გზა განვლო.
განვითარების პირველი ათწლეული იყო საკონსტიტუციო სასამართლოს ინსტიტუციური ჩამოყალიბების პერიოდი. საქართველოს საკონსტიტუციო სასამართლო თანდათანობით ავითარებდა საკუთარ შესაძლებლობებს, აუმჯობესებდა მართლმსაჯულების პრაქტიკას და ხვეწდა გადაწყვეტილებების სამართლებრივ ხარისხს.
განვითარების მეორე ათწლეული აღინიშნა წინა ხელისუფლების მიერ საქართველოს საკონსტიტუციო სასამართლოს საქმიანობაზე მნიშვნელოვანი პოლიტიკური გავლენის დამყარებით.
2016 წელს, საქართველოს საკონსტიტუციო სასამართლოს პოლიტიკური მიუკერძოებლობის უზრუნველსაყოფად, აუცილებელი გახდა საკანონმდებლო ცვლილებების განხორციელება. გაიზარდა საკონსტიტუციო სასამართლოში საქმეთა გადაწყვეტის სტანდარტი, რამაც სასამართლო პრაქტიკაზე შესაბამისი დადებითი ასახვა ჰპოვა“,- განაცხადა კობახიძემ.