ვენეციის კომისიის პრეზიდენტი ჯანი ბუკიკიო ბათუმში ოფიციალურ შეხვედრებს ამ წუთებში იწყებს. პირველ შეხვედრას ჯანი ბუკიკიო პარლამენტის თავმჯდომარესთან მართავს. შეხვედრის დაწუებამდე ირაკლი კობახიძემ განაცხადა, რომ ჯანი ბუკიკიოს მკაფიოდ აუხსნიან მმართველი გუნდის მიერ მიღებული გადაწყვეტილებების მიზეზებს.
საქართველოს პარლამენტის თავმჯდომარის ირაკლი კობახიძის განცხადებით, ვენეციის კომისიის პრეზიდენტთან შეხვედრას, საქართველოს პრემიერმინისტრიც დაესწრება.
„შეგვიძლია ძალიან მკაფიოდ ავუხსნათ ჯანი ბუკიკიოს ის თუ რა გახდა ამ გადაწყვეტილებების მიზეზი. ამ გადაწყვეტილებებს ჰქონდა თავისი მიზეზი, ამაზე გვექნება დღეს საუბარი და დარწმუნებული ვართ, რომ ბატონი ჯანი ბუკიკიოსგან იქნება ბუნებრივია, შესაბამისი პასუხი. როგორც მოგეხსენებათ, მესამე მოსმენის განხილვის პროცესში შესაძლებელია მხოლოდ სარედაქციო ცვლილებების შეტანა დოკუმენტში, აქედან გამომდინარე არსებითი ცვლილებები დოკუმენტში ვეღარ შევა,“ - აცხადებს ირაკლი კობახიძე.
