ვფიქრობ, რომ ეს მუხლი [ევროპულ და ევროატლანტიკურ სტრუქტურებში ინტეგრაციასთან დაკავშირებული] კონსტიტუციაში არ უნდა გაჩენილიყო, - ამის შესახებ "ქართული ოცნების" დეპუტატმა ნუკრი ქანთარიამ გააკეთა.
როგორც პარლამენტის რიგგარეშე სხდომაზე ქანთარიამ აღნიშნა, ახლა ამ მუხლის ამოღება არ ღირს, რადგან ცალკე კუდები და ამბები მოჰყვება.
"კონსტიტუციურმა ორგანოებმა თავიანთი უფლებამოსილების ფარგლებში მიიღონ ყველა ზომა ევროპის კავშირსა და ჩრდილოატლანტიკური ხელშეკრულების ორგანიზაციაში საქართველოს სრული ინტეგრაციის უზრუნველსაყოფად“. კონსტიტუციისთვის ეს აბსოლუტურად ზედმეტი მუხლია. რა ნიშნავს ”მიიღონ ყველა ზომა”, ხომ არ შეუვარდებით?! რა არის ყველა ზომა? სულისკვეთება მესმის. ჩვენ ფიცი-მტკიცი არ გვჭირდება. დავამტკიცეთ, თუ სად, საითკენ მივდივართ. ამ მუხლის ჩასმა ალბათ რაღაცამ განაპირობა. რამდენადაც ვიცი, ეს არც ვენეციის კომისიის რეკომენდაცია იყო და არც ევროკავშირის. ახლა ამის ამოღებასაც არ გირჩევდით, რადგან ცალკე კუდები და ამბები მოჰყვება. ვფიქრობ, რომ ეს მუხლი კონსტიტუციაში არ უნდა გაჩენილიყო”, - განაცხადა ნუკრი ქანთარიამ.
