ერთმა პარტიამ საკონსტიტუციო ცვლილებები თვითონ შექმნა, თვითონ განიხილა პირველი მოსმენით და ამ კანონს მხარს თვითონვე უჭერს, - ამის შესახებ "პატრიოტთა ალიანსის" ლიდერმა, ირმა ინაშვილმა განაცხადა.
როგორც "საზოგადოებრივ მაუწყებელს" ინაშვილმა განუცხადა, 115 ხმით ცვლილებების დამტკიცება იმას ნიშნავს, რომ ქვეყანაში იმაზე მძიმე ვითარებაა, ვიდრე ეს ვინმეს წარმოუდგენია.
„უმრავლესობის მიერ მიღებული ცვლილებები არცერთი პოლიტიკური ძალის და საზოგადოების დიდი ნაწილის მიერ მხარდაჭერილი არ არის. ერთმა პარტიამ საკონსტიტუციო ცვლილებები თვითონ შექმნა, თვითონ განიხილა პირველი მოსმენით და ამ კანონს მხარს თვითონვე უჭერს. ეს ერთპარტიული დიქტატურაა. ერთპარტიული დიქტატი ყოველთვის ცუდია. „მე ვარ მართალი და შეუმცდარი სახელმწიფო მართვაში“ - ეს აზროვნება დამღუპველია. ჩრდილოეთ კორეაში სხვა რამე კი არ ხდება. ეს უმძიმესი პროცესი "ქართული ოცნებისთვის" უმძიმესი შედეგებით დასრულდება", - განაცხადა ინაშვილმა.
