ქუთაისში, ბუხაიძის ქუჩის მაცხოვრებლებმა, რომლებიც მათი საცხოვრებელი სახლების მიმდებარე ტერიტორიაზე კაფე-ბარის მშენებლობას აპროტესტებენ საქალაქო სასამართლოში სარჩელი შეიტანეს.
ამასთანავე, მათ აქციაც გამართეს, მონაწილეების თქმით, ქალაქის მერი მათ მხოლოდ სიტყვიერად დაპირდა, რომ ბარის მეპატრონეს მშენებლობის უფლებას აღარ მისცემს, თუმცა ტერიტორია მის მფლობელობაში რჩება.
„გვეგონა ხელისუფლებას ეყოფოდა გონიერება და დაიხევდა უკან. მან თქვა, რომ არ აშენდება, მაგრამ საკუთრების უფლებას დაუტოვეს. დღეს თუ არა ხვალ, ერთი წლის მერე, ორი წლის მერე მათ ნამდვილად ექნებათ პრეტენზია მშენებლობის,“ - განაცხადა ქუთაისის საკრებულოს წევრმა, გამარჯვების ოლქის მაჟორიტარმა ნატო ქათამაძემ.
