კობახიძის მხრიდან საუბარი იყო ტყუილებზე, შიშზე, რაც ძალიან კომიკურია მარგველაშვილთან მიმართებით ასეთ თემებზე საუბარი, - ასე გამოეხმაურა პრეზიდენტის მრჩეველი პოლიტიკურ საკითხებში, ფიქრია ჩიხრაძე პარლამენტის თავმჯდომარე, ირაკლი კობახიძის განცხადებას, რომ პრეზიდენტს მასთან დებატებში დაჯდომა შეეშინდა.
როგორც ჩიხრაძემ აღნიშნა, ძალიან ძნელი მოსასმენია, რომ პარლამენტის თავმჯდომარეს განსხვავებული აზრი მტრობა და მიუღებელი ჰგონია. მისივე თქმით, ძნელია მოსასმენია, როცა დესტრუქცია ჰგონია პრეზიდენტის ოპოზიციასთან თანამშრომლობა.
"პარლამენტის თავმჯდომარის განცხადებები ძალიან მძიმე შთაბეჭდილებას ტოვებს. დავუშვათ, რომ მე ან პრეზიდენტის ადმინისტრაციის რომელიმე წარმომადგენელი, პარლამენტის თავმჯდომარეს მოვიხსენიებდეთ, რომ პარლამენტის თავმჯდომარის სტატუსის მატარებელი ადამიანია, ამას არასოდეს გავაკეთებთ, რადგან ჩვენ საზოგადოებასა და ინსტიტუტებს ვცემთ პატივს. ბატონი კობახიძისგან მთელი ამ დროის განმავლობაში ვისმენთ შეურაცხყოფას, ცილისწამებას და ამბსოლუტურად უსაგნო პოლემიკას, მათ შორის კონსტიტუციის საკითხებთან დაკავშირებით. კობახიძის მხრიდან საუბარი იყო ტყუილებზე, შიშზე, რაც ძალიან კომიკურია მარგველაშვილთან მიმართებით ასეთ თემებზე საუბარი.
ძალიან ძნელი მოსასმენია, რომ პარლამენტის თავმჯდომარეს განსხვავებული აზრი მტრობა და მიუღებელი ჰგონია. დესტრუქცია ჰგონია პრეზიდენტის ოპოზიციასთან თანამშრომლობა. ამ დროს ჩვენ ყველანი ვფიქრობთ, რომ პრეზიდენტი არ არის ერთი რომელიმე პოლიტიკური ძალის წარმომადგენელი და მას შეუძლია ყველა პოლიტიკურ ძალასთან ითანამშრომლოს”, - განაცხადა ფიქრია ჩიხრაძემ.
