ეს საკითხი არ არის არც ერთ წელიწადში, არც უახლოეს მომავალში გადასაწყვეტი საკითხი, - ამის შესახებ საპარლამენტო უმრავლესობის ერთ-ერთმა წევრმა, ზაზა ხუციშვილმა, კონტიტუციურ მონარქიაზე საუბრისას განაცხადა.
მისი თქმით, მომდევნო 2 კვირის განმავლობაში პარლამენტში საკონსტიტუციო მონარქიასთან დაკავშირებული საკითხი არ წამოიწევს.
"ამაზე შეიძლება მსჯელობა იყოს მომავალში და თუკი ასეთი გადაწყვეტილება იქნება ქართველი ხალხის ნება, გადაწყვეტილების შემდეგ შეიძლება კიდევ ათწლეული დასჭირდეს ამ სისტემის დამკვიდრებას. მოგეხსენებათ, ძალიან დიდი წყვეტა იყო ამ მიმართულებით, მაგრამ ამ წყობას აქვს თავისი პლუსები და ალბათ იცით, რომ ორ უდიდეს ქვეყანაში - დიდ ბრიტანეთსა და ესპანეთში, გარდა ამისა ჩრდილო-დასავლეთ ევროპის პრაქტიკულად ყველა ქვეყანაში არის ეს წყობა და ძალიან მაღალი დემოკრატიული პრინციპებით გამოირჩევიან ეს ქვეყნები. ამაზე მომავალში შეიძლება, ახლა ამ კონსტიტუციის განხილვასთან ამას არავითარი შეხება არ აქვს და მერწმუნეთ, ამ 2 კვირის განმავლობაში ქუთაისში ეს საკითხი არ წამოიწევს”, - განაცხადა ზაზა ხუციშვილმა.
