პარლამენტმა მესამე და საბოლოო მოსმენით, “სასოფლო-სამეურნეო დანიშნულების მიწის საკუთრების შესახებ“ კანონში შესატანი ცვლილებები 87 ხმით დაამტკიცა.
პროექტი, კონსტიტუციაში დაგეგმილი ცვლილებების ძალაში შესვლამდე, “სასოფლო-სამეურნეო დანიშნულების მიწის საკუთრების შესახებ“ კანონის მე-4 მუხლის პირველი პუნქტის „ბ“ ქვეპუნქტის მოქმედების შეჩერებას გულისხმობს, რაც საქართველოს მოქალაქეობის არმქონე პირის, საზღვარგარეთ რეგისტრირებული იურიდიული პირის და საქართველოს კანონმდებლობის შესაბამისად, საქართველოს მოქალაქეობის არმქონე პირის მიერ საქართველოში რეგისტრირებული იურიდიულ პირის საკუთრებაში სასოფლო-სამეურნეო დანიშნულების მიწის ნაკვეთის გადასვლის საკითხს ითვალისწინებს.
როგორც ცნობილია, შეზღუდვა არ გავრცელდება ამ კანონის ამოქმედებამდე შეძენილ სასოფლო-სამეურნეო მიწის ნაკვეთებზე.
40 დეპუტატის ინიცირებული პროექტი საკანონმდებლო ორგანომ დაჩქარებული წესით განიხილა. სამივე მოსმენა მიმდინარე კვირაში გაიმართა.
