ახალი პოლიტიკური ძალის, „შენების მოძრაობის“ დამფუძნებლის, დავით უსუფაშვილის განცხადებით, პრეზიდენტის საპარლამენტო მდივან ანა დოლიძესთან მხოლოდ საქმიანი და მეგობრული ურთიერთობა აკავშირებს.
ამის შესახებ უსუფაშვილმა ჟურნალისტის შეკითხვაზე, აპირებს თუ არა დოლიძისთვის მერობის კანდიდატობის შეთავაზებას, პასუხად განაცხადა.
მისივე თქმით, ახალ გუნდში საკმაოდ გამოცდილი ადამიანები არიან და აღნიშნულ საკითხს თავიანთ გამოცდილებას მოახმარენ.
„გუნდში არიან საკმაოდ გამოცდილი ყოფილი საჯარო სამსახურის მოხელეები, თენგიზ შერგელაშვილი და ალუდა გოგლიჩიძე , ნათია ლანდია და სხვებიც , რომლებიც თავიანთ გამოცდილებას მოახმარენ ამ საქმეს” - განაცხადა უსუფაშვილმა.
პარლამენტის ყოფილმა თავმჯდომარემ, ასევე, აღნიშნა, რომ ანა დოლიძეს ყოველთვის მის თანამოაზრედ მიიჩნევდა.
შეგახსენებთ, რომ დავით უსუფაშვილმა ახალი პოლიტიკური ძალა „შენების მოძრაობა" დააფუძნა.
