ვენეციის კომისიის პრეზიდენტი ჯანი ბუკიკო ფიქრობს, რომ საკონსტიტუციო ცვლილებებზე ყველასთვის კარგ გადაწყვეტილებებს მიიღებენ.
ამის შესახებ კომისიის პრეზიდენტმა ქართულ მედიასთან სესიის დაწყებამდე განაცხადა.
ცნობისთვის, საქართველოს საკითხის განხილვა ვენეციის კომისიაში 13:00 საათზე დაიწყება და 15:00 საათამდე გაგრძელდება.
როგორც ვენეციის კომისიის მდივანმა თომას მარკერტმა ჟურნალისტებთან საუბრისას აღნიშნა, ხედავს პოზიტიურ ნაბიჯებს, თუმცა დასკვნებს შეხვედრის დასრულებამდე ვერ გააკეთებს.
მანამდე ჯანი ბუკიკიო და თომას მარკერტი ირაკლი კობახიძეს შეხვდნენ და საქართველოს კონსტიტუციაში განსახორციელებელი ცვლილებები განიხილეს. შეხვედრას თამარ ჩუგოშვილიც ესწრებოდა.
.
