დიდი ბრიტანეთის თანადგომა საქართველოს სუვერენიტეტისა და ტერიტორიული მთლიანობის შესახებ სალი კლდესავით მტკიცეა, - ამის შესახებ ბრიტანეთის ელჩმა საქართველოში, ჯასთინ მაქენზი სმითმა, დედოფალ ელისაბედ მეორის დაბადების დღის აღსანიშნავად გამართულ ოფიციალურ წვეულებაზე განაცხადა.
მისი თქმით, ბრიტანეთისა და ქართველი ხალხის კავშირები ფართოვდება და განსაკუთრებულია თანამეგობრობა უნივერსიტეტებსა და ბიზნესებს შორის.
"ვცხოვრობთ დაუცველ სამყაროში, მაგრამ საქართველოში ჩემი ყოფნის 9 თვის განმავლობაში დავრწმუნდი, რომ საქართველოსა და დიდ ბრიტანეთს ძალიან ღრმა და ძლიერი ფესვები აქვთ. დიდი ბრიტანეთის თანადგომა საქართველოს სუვერენიტეტისა და ტერიტორიული მთლიანობის შესახებ სალი კლდესავით მტკიცეა. ამჟამად ბრიტანეთისა და ქართველი ხალხის კავშირები ფართოვდება და განსაკუთრებულია თანამეგობრობა უნივერსიტეტებსა და ბიზნესებს შორის. წელს 25%-ით გაიზარდა დიდი ბრიტანეთიდან საქართველოში ვიზიტორთა რიცხვი, თუმცა ეს მოხდა პირდაპირი რეისის აღდგენამდე. ჩემო სტუმრებო, ქალბატონებო და ბატონებო, ყოველივე ეს საფუძველია მომავალი წარმატებისა და წინსვლისა ჩვენს ქვეყნებს შორის“, - განაცხადა ჯასთინ მაქენზი სმითმა.
