დარწმუნებული ვარ, საქართველოს მთავრობა სერიოზულად უდგება ამ [აფგან მუხთარლის] საქმეს, - ამის შესახებ აშშ-ის ელჩმა საქართველოში, იან კელიმ ჟურნალისტებს განუცხადა.
ელჩი იმედოვნებს, რომ მუხთარლის სათანადოდ ეპყრობიან და რომ სამართლიანად დასრულდება ეს საქმე.
"ჩვენ გვქონდა კომუნიკაცია ამასთან დაკავშირებით საქართველოს მთავრობასთან და ნათლად დავაფიქსირეთ ჩვენი პოზიცია, რომ ეს საქმე უნდა იყოს სრულყოფილად გამოძიებული. ვიმედოვნებთ, ბატონ მუხთარლის სათანადოდ ეპყრობიან და ვიმედოვნებთ, რომ სამართლიანად დასრულდება ეს საქმე. დარწმუნებული ვარ, საქართველოს მთავრობა სერიოზულად უდგება ამ საქმეს. პრემიერ მინისტრმა აღნიშნა, რომ იქნება სრულყოფილი გამოძიება და ჩვენ გვჯერა, რომ ასეც იქნება", - განაცხადა იან კელიმ.
