"ნაციონალური მოძრაობა" თბილისის მერობის კანდიდატად „რუსთავი 2“-ის გენერალური დირექტორის მოადგილე ზაალ უდუმაშვილს მომავალ კვირაში ოფიციალურად წარადგენს.
უდუმაშვილთან ერთად, პარტია თბილისის საკრებულოს თავმჯდომარეობის კანდიდატად პარტიის ერთ-ერთ ლიდერს ნიკა მელიას წარადგენს.
მერობის კანდიდატის წარდგენა და საარჩევნო პროგრამის პრეზენტაცია ღია ცის ქვეშ გაიმართება.
„რუსთავი 2“-ის გენერალური დირექტორის მოადგილემ "ნაციონალური მოძრაობისგან" შეთავაზება ცოტა ხნის წინ მიიღო. თუმცა, თანხმობაზე ოფიციალური განცხადება უდუმაშილს ჯერ არ გაუკეთებია.
