საქართველოს პრეზიდენტის, გიორგი მარგველაშვილის ნაცვლად, ვენეციის კომისიის პლენარულ სხდომას, ანა დოლიძე დაესწრება, - ამის შესახებ თავად ანა დოლიძემ ჟურნალისტებს განუცხადა.
როგორც დოლიძემ აღნიშნა, პლენარულ სხდომაზე პრეზიდენტის პოზიციას წარადგენს, ასევე აპირებს, შეხვდეს ვენეციის კომისიის წევრებს და საკონსტიტუციო ცვლილებებზე პრეზიდენტის პოზიცია გააცნოს.
„მე, როგორც საქართველოს პრეზიდენტის საპარლამენტო მდივანი, მივემგზავრები ვენეციაში პლენარულ სხდომაზე დასასწრებად, პრეზიდენტის პოზიციის წარმოსადგენად, ასევე იმისათვის, რომ შევხვდე ვენეციის კომისიის წევრებს და გავაცნო მათ ჩვენი პოზიცია“, - განაცხადა ანა დოლიძემ.
