გუნდი მსჯელობს, როდის შეიცვლება საარჩევნო სისტემა, 2020-ში თუ 2024-ში, - ამის შესახებ მმართველი გუნდის ერთ-ერთმა ლიდერმა, არჩილ თალაკვაძემ განაცხადა.
მისი თქმით, მაჟორიტარული სისტემის გაუქმების თარიღთან და ბონუსებთან დაკავშირებით "ქართული ოცნება" საკუთარ წინადადებას ვენეციის კომისიის რეკომენდაციების შემდეგ გააჟღერებს.
"ზედმეტ ენერგიას ვხარჯავთ ამ საკითხზე, ჩვენ პოლიტიკაა მთლიანად ხალხის საჭიროებებზე უნდა გადავერთოთ, საარჩევნო სისტემასთან დაკავშირებით აზრთა სხვადასხვაობა იყო წარმოდგენილი. არსებული სისტემა აუცილებლად შეიცვლება. რაც შეეხება მაჟორიტარულ სისტემას, ჩვენ შეთანხმებული პოზიციით გამოვალთ. გუნდი მსჯელობს როდის შეიცვლება საარჩევნო სისტემა 2020-ში თუ 2024-ში", - განაცხადა არჩილ თალაკვაძემ.
