„პოლიტიკურ პარტიებში ქალთა ჩართულობა წინა წლებთან შედარებით 3 %-ით გაუმჯობესდა, მაგრამ მდგომარეობა ისევ არათანაბარია“, - ამის შესახებ არასამთავრობო ორგანიზაცია "საფარის" მიერ ჩატარებულ კვლევაშია ნათქვამი.
კვლევის თანახმად, რომელიც გაეროს მხარდაჭერით მომზადდა, კაცების პრივილეგირებული მდგომარეობა პოლიტიკურ პარტიებში ქალთა დაბალი მონაწილეობის მთავარი მიზეზია.
"საქართველო ქალთა პოლიტიკური ჩართულობით 143 ქვეყანას შორის 124-ე პოზიციაზეა. იმედი გვაქვს, რომ კვლევის მიგნებები პარტიებს უფრო დაბალანსებული სიების შედგენაში დაეხმარება, ქალების და კაცების თანაბარი მონაწილეობით", - განაცხადა საქართველოში გაეროს წარმომადგენლობის ხელმძღვანელმა ნილს სკოტმა.
კვლევის მონაცემებიდან გამომდინარე, პარტიებს შესაბამისი რეკომენდაციები გადაეგზავნათ.
