სრულდება თუ არა ოკუპირებული ტერიტორიების შესახებ კანონი - ამ საკითხის შესახებ ინფორმაციას IDFI-ი ავრცელებს. ორგანიზაციაში განმარტავენ, რომ საქართველოში მოსკოვის ყოფილი მერის, იური ლუჟკოვის ჩამოსვლამ და დაბრკოლების გარეშე ქვეყნის დატოვებამ ამ კანონის ფუნქციონირებასთან დაკავშირებით კითხვები გააჩინა.
IDFI-მ შინაგან საქმეთა სამინისტროსგან ოკუპირებული ტერიტორიების შესახებ კანონის აღსრულებასთან დაკავშირებული სტატისტიკური ინფორმაცია გამოითხოვა. ორგანიზაციის ცნობით, უწყებამ IDFI-ის არ მიაწოდა ინფორმაცია იმის შესახებ, თუ რამდენი პირი დააკავეს ან რამდენ პირს აეკრძალა ქვეყანაში შემოსვლა კანონის დარღვევის გამო 2009-2016 წლებში.
,,სამინისტრო ასევე უარს ამბობს, გაასაჯაროოს კანონის დამრღვევ უცხოელ თანამდებობის პირთა შავი სია. საეჭვოა, სრულდება თუ არა კანონი ოკუპირებული ტერიტორიების შესახებ, რომლის მიხედვითაც, ნებისმიერი პირი, რომელიც ოკუპირებულ ტერიტორიებზე გადაადგილდება, საქართველოს სახელმწიფო ნებართვას საჭიროებს”, - აცხადებს IDFI-ი
