აფხაზი ჟურნალისტები ჟენევის დისკუსიების გაშუქებაში ჩართვას ითხოვენ. ოკუპირებული აფხაზეთის დე ფაქტო საგარეო საქმეთა მინისტრი აღნიშნული საკითხის დაყენებას ჟენევის დისკუსიების თანათავმჯდომარეებთან გეგმავს და იმედოვნებს, რომ შეთანხმება მიღწეული იქნება.
დაურ კოვეს თქმით, აფხაზი ჟურნალისტების მონაწილეობა ხელს შეუწყობს მოლაპარაკებების დღის წესრიგის უფრო ფართოდ გაშუქებას, რადგან პროცესის ყველა მონაწილესთან იქნება გასაუბრების საშუალება.„პრესას არ შეუძლია შეხვედრებში მიიღოს მონაწილეობა, მაგრამ შესაძლებელია, რომ დისკუსიების მონაწილეებს შედეგებზე გაესაუბრონ, მე ვფიქრობ რომ შეთანხმებას მივაღწევთ, ყოველ შემთხვევაში ჩვენ შევეცდებით.“- განაცხადა დაურ კოვემ.
