„პატრულის ავტომობილს რომ საწვავი გამოელია, ეს რაღაცა ლეგენდების სფეროდან არის, ანუ ამასთან დაკავშირებით ჩვენი პრესსამსახური გააკეთებს განცხადებას. ყველაფერი იქნება ცნობილი, კონკრეტულად როდის მივიდა საპატრულო, როდის წაიყვანა. დაწყებულია ამ საქმეზე გამოძიება და დამნაშავე დასჯილი იქნება კანონის შესაბამისად.“- განაცხადა შს მინისტრის მოადგილემ, შალვა ხუციშვილმა თბილისში მომხდარი მკვლელობის შესახებ.
შემთხვევა დღეს ორთაჭალაში, ბერძენის ქუჩაზე მოხდა. მამამ 24 წლის შვილი შელაპარაკებისას მოკლა. პოლიციამ იგი უკვე დააკავა და დაწყებულია გამოძიება.
