დღეს, გადაცემა "არჩევანის" ეთერში გაზეთ "ქრონიკა+"-ის რედაქტორმა ელისო კილაძემ მის ერთერთ ინფორმატორზე ისაუბრა. მისი თქმით, შინაგან საქმეთა მინისტრის ყოფილი მოადგილე გელა ხვედელიძე არაფერ შუაშია და მისი წყარო ამჟამინდელი მთავრობის ერთერთი წევრია.
"არსებობდა მოსაზრება იმის თაობაზე, რომ "ქრონიკა+"-ში გამოქვეყნებული მასალების უკან იდგა გელა ხვედელიძე. პირდაპირ გეუბნებით, ეს მასალები, რომლებიც ეხებოდა ირაკლი ღარიბაშვილს და კახურ კლანს, არ იყო გელა ხვედელიძის მასალები. ამ თემაზე სპეკულაციები თუ გაგრძელდება, მე დავასახელებ იმ ადამიანის ვინაობას. ის არის დღევანდელი მთავრობის წევრი, მინისტრი ერთერთი და ის იდგა ამ მასალების უკან. იგი არის გავლენიანი კაცი ბიძინა ივანიშვილის კარზე"- განაცხადა ელისო კილაძემ.
