პრეზიდენტის საპარლამენტო მდივანი, ანა დოლიძე მოძრაობა „ეს შენ გეხება“-ს წევრებს შეხვდა. მათ ე.წ. მოსმენების კანონთან დაკავშირებით საკონსტიტუციო სასამართლოში შესატანი სარჩელი განიხილეს, რომელსაც კვირის ბოლოს შეიტანენ.
„საზოგადოებას და სახელმწიფოს აქვს მაღალი ინტერესი ფარული მიყურადების ახალი, გამართული, დემოკრატიული სისტემის ჩამოყალიბებისათვის. საზოგადოების ერთი ნაწილი აპირებს, რომ კანონი, რომელიც ახლახან მიიღო პარლამენტმა, გაასაჩივროს საკონსტიტუციო სასამართლოში. პრეზიდენტი ამ თემას განსაკუთრებულ ყურადღებას აქცევს, რაც გამოიხატებოდა მის სამ ვეტოში. შესაბამისად, ჩვენ ვფიქრობთ, რომ მუდმივ კონტაქტში ვიყოთ ამ ჯგუფებთან და ვითანამშრომლოთ ამა თუ იმ ფორმით,“ - განაცხადა პრეზიდენტის საპარლამენტო მდივანმა, ანა დოლიძემ.
