საქართველოს პრეზიდენტმა პროექტ "კონსტიტუცია ყველასიას" ფარგლებში, შეხვედრა ეთნიკური უმცირესობების წარმომადგენლებთან გამართა, სადაც თვითმმართველი ქალაქების შემცირების წინააღდეგ გამოვიდა.
"ჩვენ ასეთი ტრადიცია გვქონდა - ხალხი ირჩევდა პრეზიდენტს. რატომ უნდა შეცვალო წესი? ამაზე არავინ გვაძლევს მარტივ პასუხს. სულ გვთავაზობენ მოდელებს, სხვადასხვა ვერსიებს, თუმცა არავინ გვპასუხობს რატომ გვართმევენ ამ უფლებას. ბუნებრივია, რომ ამის მიმართ საზოგადოებას სერიოზული კითხვის ნიშანი აქვს. მიმაჩნია, რომ მეტი არჩევითი თანამდებობა ჩვენი ქვეყნის გაძლიერებაა. ეს პოლიტიკური პოზიცია არ არის. მარტო პრეზიდენტი კი არ უნდა ავირჩიოთ, არამედ უნდა გვქონდეს მეტი არჩევითი თანამდებობა. მიეცით ხალხს მერების, გამგებლების არჩევის უფლება. თუ ეს ხალხი იმდენად ჭკვიანია, რომ შევარდნაძე აირჩია, გამგებელს რატომ ვერ აირჩევს? ყველა უნდა ავირჩიოთ, ასე იბადებიან ახალი ლიდერები და ახალი პოლიტიკოსები", - აცხადებს გიორგი მარგველაშვილი.
პროექტის "კონსტიტუცია ყველასია" ფარგლებში საქართველოს პრეზიდენტი გიორგი მარგველაშვილი ეთნიკური უმცირესობების წარმომადგენლებს ხვდება. გიორგი მარგველაშვილი ახალგაზრდებს პრეზიდენტის ადმინისტრაციაში მასპინძლობს.
პროექტის ფარგლებში გიორგი მარგველაშვილი უკვე მეოთხე შეხვედრას მართავს.
