„იქმნება ინსტიტუტი, რომელიც ეწინააღმდეგება საკონსტიტუციო სასამართლოს გადაწყვეტილებას“- აცხადებს „ერთიანი ნაციონალური მოძრაობის“ წევრი ხატია დეკანოიძე. მან „კურიერის“ ეთერში ე.წ. მოსმენების შენსახებ კანონზე ისაუბრა.
„2016 წელს რუსეთში მიიღეს ე.წ. „იერავაიას და ოზეროვას“ კანონი მოსმენებთან დაკავშირებით. ზუსტად მაშინ, რუსეთის ხელისუფლება ამტკიცებდა იმას, რომ ეს კანონი, რომელიც დასტურს აძლევს რათა ყველას და ყველაფერს მოუსმინოს, არის სწორედ უსაფრთხოების დამცავი ქვეყანაში. მე ძალიან მაგონებს ეს კანონი იმ კანონს, რომელიც დღეს შევიდა ძალაში. პირველ რიგში იმით, რომ არავითარ დამოუკიდებელ ოპერატიულ-ტექნიკურ სააგენტოზე საუბარი არ არის. ეს სააგენტო პირდაპირ დაექვემდებარება „სუსს“- განაცხადა ხატია დეკანოიძემ.
მისი თქმით, კანონის ცვლილებისთვის ბრძოლა გრძელდება და საკონსტიტუციო სასამართლოს მოუწევს კიდევ ერთხელ განიხილოს იგივე კანონი.
„იქმნება ინსტიტუტი, რომელიც ეწინააღმდეგება საკონსტიტუციო სასამართლოს გადაწყვეტილებას, ადამიანის უფლებების ყველა ევროპულ კონვენციას და ასევე იმ მოთხოვნებს და იმ დაპირებებს, რომლითაც მოვიდა ქართული ოცნება „
„რეალურად მოლოდინი იმისა, რომ საკონსტიტუციო სასამართლო მიიღებს მართებულ გადაწყვეტილებას, რასაკვირველია, ჩვენ გვინდა და ვიმედოვნებთ ამას,“ - განაცხადა ხატია დეკანოიძემ.
