გადაცემა „არჩევანში“ ადვოკატთა ასოციაციის თავმჯდომარემ, ზაზა ხატიაშვილმა ხელისუფლების მხრიდან „ბავშვთა სამყაროს“ დაზარალებულ მოვაჭრეებზე გულგრილ დამოკიდებულებაზე ისაუბრა. მისი თქმით, ხელისუფლებაში მიიღეს პოლიტიკური გადაწყვეტილება, რომ არ დაეხმარონ დაზარალებულებს და დაზარალებულის სტატუსი არ მიანიჭონ.
„ვაანონსებთ, რომ ხვალ, 11 საათზე მივდივართ პროკურატურასთან და აქცია გვექნება, რომ მოგვცენ დაზარალებულის სტატუსი. ჩვენ გვაქვს სლოგანი „ხალხო შემოგვიერთდით თორემ მეთოთხმეტე გადამწვარი შენობა თქვენი იქნება“. 13 შენობა გადაიწვა, ხელისუფლება ფიქრობდა რომ ეს ადამიანები გატყდებოდნენ, მაგრამ არ გატყდნენ“.- განაცხადა ზაზა ხატიაშვილმა
საკრებულოს მიერ დაზარალებულებისთვის შეთავაზებულ 3000 ლარზე კომენტარი გააკეთა ადვოკატმა ფრიდონ სუხიაშვილმა.
„ყოველ შეხვედრაზე, ცალსახად, საკრებულოს მხრიდან იყო დათქმა იმისა, ან დათანხმდებით ჩვენს პირობას, ან ვერაფერს ვერ მიიღებთ და არაფერს არ ელოდოთ სახელმწიფოსთან,“ - განაცხადა სუხიაშვილმა.
