საქართველოს საკონსტიტუციო სასამართლოს ყოფილი თავმჯდომარე, გიორგი პაპუაშვილი ბიზნესმენების მხრიდან სასამართლოს მიმართ გაჟღერებულ ბრალდებებს ეხმიანება. მისი თქმით, სასამართლო უწყებამ ამის შესახებ რეაგირება უნდა მოახდინოს.
„მნიშვნელოვანია, რომ შესაბამისი ორგანოები და ის ინსტიტუციები, რომლებიც პასუხისმგებლები არიან სასამართლო სისტემაზე, რამდენად ღისეულად შეხვდებიან ამ გამოწვევებს, რომ კითხვის ნიშნები არ იყოს. მათ შორის სავაჭრო და საინვესტიციო გარემოში ძალიან ხელისშემშლელია. კონკრეტული ადამიანების დასჯა არის საჭირო კონკრეტულ ფაქტზე წასწრებით,“ - აცხადებს საქართველოს საკონსტიტუციო სასამართლოს ყოფილი თავმჯდომარე, გიორგი პაპუაშვილი.
შეგახსენებთ, რომ საერთაშორისო სავაჭრო პალატის პრეზიდენტი ფადი ასლი სასამართლოს კორუფციაში ადანაშაულებს. მისი თქმით, მოსამართლე ვლადიმერ კაკაბაძის მიერ ბიზნესმენების რამდენიმე ასეული მილიონით დაჯარიმება კორუფციაზე მიუთითებს.
