შენგენის ზონის დამრღვევს დეპორტაცია და ფულადი ჯარიმა ემუქრება, ამის შესახებ განცხადება საგარეო საქმეთა მინისტრმა, მიხეილ ჯანელიძემ გააკეთა. მისი თქმით, ვიზალიბერალიზაცია მოკლევადიან ვიზიტს გულისხმობს და მისი არადანიშნულებისამებრ გამოყენება მოქალაქეს პრობლემებს შეუქმნის.
"ძალიან მნიშვნელოვანია, თითოეული მოქალაქე გაუფრთხილდეს ვადებს. თუ დაირღვევა ვადები და მოხდება დეპორტაცია, ამ შემთხვევაში პირს აეკრძალება 5 წლის ვადით შენგენის ზონაში დაბრუნება.
ეს დიდი სასჯელია, როგორც ფინანსური, ასევე იმ თვალსაზრისით. ვერ დაბრუნდები ევროკავშირში და შენგენის ზონაში. აქედან გამომდინარე, მიზანშეწონილია, ყველამ კარგად გაითავისოს ეს რისკები და ისარგებლოს იმ ვადით, რა ვადაც არის დაშვებული მოკლევადიანი ვიზიტებისთვის”, - განაცხადა მიხეილ ჯანელიძემ.
