საგარეო საქმეთა მინისტრი მიხელ ჯანელიძე ევროკავშირთან უვიზო მიმოსვლის ამოქმედებას ეხმიანება. მისი თქმით, ევროპის ქვეყნებში საქართველოს წარმომადგენლობები მაქსიმალურად დაეხმარებიან და ხელს შეუწყობენ საქართველოს მოქალაქეებს.
„საქართველოს ევროპული გზა შეუქცევადია და მას უდიდესი პოზიტიური შედეგები მოაქვს ყველა სფეროსთვის, განსაკუთრებით მნიშვნელოვანია, რომ უვიზო მიმოსვლასთან დაკავშირებული ყველა სარგებელი ხელმისაწვდომი იქნება ოკუპირებულ ტერიტორიაზე მცხოვრები ჩვენი მოქალაქეებისთვის. საგარეო საქმეთა სამინისტრო და საზღვარგარეთ საქართველოს დიპლომატიური და საკონსულო წარმომადგენლობები 24 საათიან რეჟიმში მუშაობენ და მაქსიმალურად შეუწყობენ ხელს საქართველოს თითოეულ მოქალაქეს, რათა მათ სრულად მიიღონ ის სარგებელი, რასაც ევროპაში უვიზოდ მოგზაურობა გვთავაზობს,“ - განაცხადა მიხეილ ჯანელიძემ.
