საქართველოსთვის ვიზალიბერალიზაციის გააქტიურებასთან დაკავშირებით, მესაზღვრე-კონტროლიორებმა სპეციალური გადამზადება გაიარეს. ისინი კონსულტაციას გაუწევენ იმ მოქალაქეებს, რომლებსაც შენგენის ზონის ქვეყნებში სურთ მოგზაურობა.
„პრემიერის დავალების შესაბამისად, გვაქვს ტექნიკური საშუალებები იმისა, რომ გამოვავლინოთ მოქალაქეები, რომლებიც უვიზო მიმოსვლის პირობებს დაარღვევენ, გადააჭარბებენ ვადას და ა.შ. და ამის შესახებ პროაქტიულად მივაწოდოთ ინფორმაცია ევროკავშირის შესაბამის სტრუქტურებს და ჩვენს კოლეგებს სხვადასხვა ქვეყანაში,“ - განაცხადა საქართველოს შინაგან საქმეთა მინისტრის მოადგილემ, შალვა ხუციშვილმა.
უვიზო მიმოსვლა ხვალიდან ამოქმედდება და პირველი რეისი ქუთაისი-ბუდაპეშტის მიმართულებით იქნება.
