სიღნაღის რაიონულმა სასამართლომ ტურისტის გაუპატიურების ბრალდებით დაკავებული ახალგაზრდა მამაკაცი დამნაშავედ ცნო.
დღევანდელ პროცესზე მოსამართლემ განაჩენი გამოაცხადა და მას 6 წლითა და სამი თვით პატიმრობა მიუსაჯა.
ბრალდებულის ადვოკატი დავით ბეგიაშვილი მოსამართლის გადაწყვეტილებას არ ეთანხმება და საქმის სააპელაციო სასამართლოში გასაჩივრებას გეგმავს.
სიღნაღის რაიონული სასამართლო სისხლის სამართლის კოდექსის 137-ე მუხლით დაკავებული პირის საქმეს 9 თვის განმავლობაში განიხილავდა.
ჩეხი ტურისტი, ფიროსმანის ქუჩაზე მდებარე ერთ–ერთ საოჯახო სასტუმროში ღამის გასათევად დაბინავდა, სადაც გოგოს მტკიცებით, ახალგაგაზრდა კაცმა გააუპატიურა.
