საქართველოს ვიცეპრემიერსა და განათლების მინისტრ, ალექსანდრე ჯეჯელავას აზრით, პრეზიდენტი ვეტოს უფლებას ზედმეტად ხშირად იყენებს და ამით მის დანიშნულებას აუფასურებს საზოგადოების თვალში.
„მე ვფიქრობ, რომ ვეტოს და თვითონ პრეზიდენტის ინსტიტუტის რეპუტაციაზე ეს შეიძლება, უარყოფითად მოქმედებდეს და ისედაც ცნობილია, რომ ჩვენი ხელისუფლების პირობებში, არასანქცირებული, უკანონო მოსმენის შემთხვევები, დამტკიცებული შემთხვევები, ძალიან ცოტაა. გაცილებით ნაკლებია, ვიდრე ეს ადრე იყო და ამიტომ შიშის და წუხილის საფუძველი ნაკლებია,“ - განაცხადა ალექსანდრე ჯეჯელავამ.
შეგახსენებთ, რომ პრეზიდენტმა მარგველაშვილმა ე.წ. მოსმენების შესახებ კანონს ვეტო დაადო და მოტივირებული შენიშვნებით პარლამენტს დაუბრუნა.
