დღეს, ვიცე-პრემიერმა და ენერგეტიკის მინისტრმა, კახა კალაძემ ინგა გრიგოლიას „რეაქციაში“ აქტუალურ თემებზე ისაუბრა. საუბარი შეეხო მარიხუანის დეკრიმინალიზაციის საკითხსაც, ვიცე-პრემიერის თქმით, მისი მოხმარების გამო ახალგზარდები ციხეში არ უნდა ხვდებოდნენ.
"მთავარი ამოსავალი წერტილი უნდა იყოს ის რომ ჩვენ ახალგაზრდებში დავნერგოთ ჯანსაღი ცხოვრების წესი, ამას უნდა გავუწიოთ პოპულარიზაცია. მე მზად ვარ ჩავერთო ამ კამპანიაში და მივიღო მონაწილეობა და შემოვიკრიბოთ ახალგაზრდები და ვუთხრათ რამდენად მნიშვნელოვანია ჯანსაღი ცხოვრების წესი, თუმცა მარიხუანას მოხმარებისთვის ადამიანები ციხეში არ უნდა მიდიოდნენ. რადგან ეს დამატებითი პრობლემებია და შეიძლება ითქვას ახალგაზრდას ცხოვრებას უუბედურებ", - განაცხადა კახი კალაძემ.
მან განაცხადა, რომ დეკრიმინალიზაცია და ლეგალიზაცია ერთმანეთისგან უნდა გაიმიჯნოს, საკითხს კი მეტი შესწავლა და მსჯელობა ჭირდება.
"დეკრიმინალიზაციასა და ლეგალიზაციას რაც შეეხება, მე ვფიქრობ, რომ ეს ორი თემა აუცილებლად უნდა გაიმიჯნოს ერთმანეთისგან. ამაზე ძალიან ბევრია სამუშაო. თვითონ ძალიან ხშირად ისმის ხოლმე განცხადებები, რომ ახალგაზრდებში ძალიან ხშირია ფაქტები, როდესაც ისინი მოიხმარე მძიმე ნარკოტიკებს, "კრაკადილებს" და ათას უბედურებებს. ამ დეკრიმინალიზაციით, შესაძლებელი იქნება თითქოს ამ ახალგაზრდების გადმოყვანა მარიხუანაზე. მე ვფიქრობ, რომ ეს არის არასწორი მიდგომა. მთავარი ამოსავალი წერტილი უნდა იყოს ის, რომ ჩვენ ახალგაზრდებში დავნერგოთ ჯანსაღი ცხოვრებსი წესი. ამას უნდა გავუწიოთ პოპულარიზაცია. მზად ვარ, ჩავერთო ამ კამპანიაში და მივიღო მონაწილეობა, შემოვიკრიბოთ ახალგაზრდები და ყველას ვუთხრა თუ რამდენად მნიშვნელოვანია ჯანსაღი ცხოვრების წესი.
