საპარლამენტო უმცირესობა პრეზიდენტის პარლამენტში გამოსვლის ფორმატთან დაკავშირებით დებატების ჩატარების აუცილებლობაზე საუბრობს. "ევროპული საქართველოს" წევრების განცხადებით, ქვეყანაში არსებობს ბევრი მნიშვნელოვანი საკითხი, რომელსაც პრეზიდენტი საკუთარ მოხსენებაში უნდა შეეხოს. "ეს არ უნდა იყოს უბრალოდ მოსმენა. იმ საკითხებზე, რომელზეც პრეზიდენტი ისაუბრებს, იქნება ეს საგარეო პოლიტიკა, მედიის თავისუფლება, ადამიანის უფლებების დაცვა თუ სხვა, პოლიტიკურმა პარტიებმა, საპარლამენტო ფრაქციების წარმომადგენლებმაც უნდა გამოხატონ აზრი. დარწმუნებული ვარ, პრეზიდენტს ექნება მკაფიოდ ჩამოყალიბებული მოსაზრებები ყველა მიმართულებით"- განაცხადა გიგი წერეთელმა.
გიორგი ტუღუშის თქმით კი, ყოველწლიური ანგარიშის დროს ყოველთვის დგებოდა საკითხი დებატების ჩატარების აუცილებლობასთან დაკავშორებით, რასაც უმრავლესობა ყოველთვის ბლოკავდა. "ჩვენ იმედს ვიტოვებთ, რომ ამჯერად მაინც გვექნება შესაძლებლობა, დებატები გავმართოთ იმ თემებზე, რაც პრეზდენტის ანგარიშში იქნება", - თქვა ტუღუშმა.
პრეზიდენტი პარლამენტის წინაშე ყოველწლიური მოხსენებით 7 აპრილს გამოვა.
