სახელმწიფო საკონსტიტუციო კომისია ე.წ. ადგილობრივი სტრასბურგის მოდელის ამოქმედებაზე მსჯელობს. ინიციატივას დადებითად აფასებს საკონსტიტუციო კომისიის წევრი ვახუშტი მენაბდე.
„ეს იქნება ძალიან კარგი ცვლილება, რაც ქვეყანას დაეხმარება იმაში, რომ შეამციროს სარჩელების რაოდენობა ადამიანის უფლებათა ევროპულ სასამართლოში. სასამართლოს მიერ მიღებული გადაწყვეტილებების განხილვა მოხდება ადგილზე“, - განაცხადა ჟურნალისტებთან საუბრისას საკონსტიტუციო კომისიის წევრმა ვახუშტი მენაბდემ.
მისივე ინფორმაციით, თუკი მიღებული იქნება გადაწყვეტილება საკონსტიტუციო სასამართლოს უფლებამოსილების გაზრდის თაობაზე, ამ კონტექსტში განიხილება მოსამართლეთა რაოდენობის გაზრდის საკითხიც.
სამუშაო ჯგუფის დღევანდელ შეხვედრაზე განხილვის ერთ-ერთი მთავარი თემაა უზენაესი და საკონსტიტუციო სასამართლოების მოსამართლეების თანამდებობაზე განმწესებასთან დაკავშირებული საკითხები იქნება.
