საქართველოს საგარეო საქმეთა მინისტრის მოადგილემ, ვახტანგ მახარობლიშვილმა „ვიშეგრადის ოთხეულისა“ და „აღმოსავლეთ პარტნიორობის“ ქვეყნების საგარეო საქმეთა მინისტრების მოადგილეების შეხვედრაში მიიღო მონაწილეობა, რომელიც 2017 წლის 15 მარტს, ქ. მინსკში გაიმართა. შეხვედრის მთავარ მიზანს წარმოადგენდა ქ. ვარშავაში დაგეგმილი „ვიშეგრადის ჯგუფისა“ და „აღმოსავლეთ პარტნიორობის“ ქვეყნების საგარეო საქმეთა მინისტრების შეხვედრის მომზადება.
შეხვედრის ფარგლებში მხარეებმა განიხილეს თანამშრომლობის გაღრმავების პერსპექტივები ისეთ პრიორიტეტულ დარგებში, როგორიცაა ტრანსპორტი, განათლება, საზღვრისპირა თანამშრომლობა, ადგილობრივ და მუნიციპალური მმართველობის სტრუქტურებს შორის ურთიერთობები. შეხვედრის ფარგლებში მხარეებმა, ასევე იმსჯელეს ბრიუსელში დაგეგმილი „აღმოსავლეთ პარტნიორობის“ სამიტის მოლოდინებზე და ინიციატივის ეფექტიანობის გაზრდის გზებზე, ასევე შეთანხმდნენ კოორდინირებულად გააგრძელონ მუშაობა სამიტამდე.
