საქართველოსა და თურქეთის პრემიერ-მინისტრები დღეს საღამოს ერთმანეთს ბათუმში შეხვდებიან. როგორც თურქული მედია წერს, ართვინის, ეროვნული ნების მოედანზე, მოქალაქეების წინაშე გამოსვლის შემდეგ, ბინალი ილდირიმი ბათუმს ეწვევა.
ვიზიტის ფარგლებში ილდირიმი საქართველოს პრემიერ-მინისტრს გიორგი კვირიკაშვილს შეხვდება, სადაც მხარეები ორმხრივი ურთიერთობებზე იმსჯელებენ. შეხვედრაზე ყურადღება გამახვილდება თურქეთ-საქართველოს უმაღლესი დონის სტრატეგიული თანამშრომლობის საბჭოს (YDSK) მიმდინარე წლისთვის გათვალისწინებული მეორე სხდომის მოსამზადებელ სამუშაოებზე.
საქართველოს მთავრობის ადმინისტრაციაში კი აცხადებენ, რომ საქართველოს პრემიერ-მინისტრი გიორგი კვირიკაშვილი დღეს არაოფიციალურ ვახშამზე უმასპინძლებს თურქ კოლეგა ბინალი ილდირიმს, რომელიც ბათუმის აეროპორტში მცირე ხნით შეჩერდება ტრანზიტულად.
