„ამერიკის ხმასთან“ ექსკლუზიურ ინტერვიუში სენატორმა ჯონ მაკკეინმა „რუსთავი 2“-ის შესახებ ისაუბრა.
„ღრმად ვარ შეშფოთებული იმით, რომ საქართველოს უზენაესი სასამართლოს გადაწყვეტილება „რუსთავი2-თან დაკავშირებით ჰგავს პრესაში ოპოზიციის ხმების ჩახშობის მცდელობას და ქვეყანაში მოქნილი, პლურალისტური და ღია მედიის არსებობის შეზღუდვას,“ - ნათქვამია სენატორის წერილობით კომენტარში.
მისი თქმით, ღრმად სჯერა თავისუფალი მედიის როლზე დემოკრატიული სახელმწიფოს მშენებლობაში. ამასთანავე იგი საქართველოს ხელისუფლებას მოუწოდებს "შეინარჩუნოს პლურალისტური მედიაგარემო იმისთვის, რომ საქართველოში ყველას ხმის გაგონება იყოს შესაძლებელი“.
„როგორც წარსულშიც მითქვამს, ღრმად მწამს იმის, რომ თავისუფალი და ღია პრესა დემოკრატიის განვითარების ერთ-ერთი უმთავრესი საყრდენია და უმნიშვნელოვანესია იმისთვის, რომ ნებისმიერმა დემოკრატიამ წარმატებას მიაღწიოს,“ - ამბობს ის.
