გადაცემა „არჩევანში“ მუსლიმთა კავშირის ხელმძღვანელი, ტარიელ ნაკაიძე, ყურადღებას ამახვილებს ბათუმის აქციის რეალურ მიზეზებზე, რომელმაც ბათუმის გარემოება შექმნა. მისი თქმით, აქცია სპონტანური იყო.
გადაცემაში საუბრისას მან ასევე ყურადღება გაამახვილა მთავრობის საკადრო პოლიტიკაზე, მისი თქმით, აჭარაში, არცერთ საპასუხისმგებლო თანამდებობაზე აჭარელი არ ინიშნება, რაც დისკრიმინაციულ ნიშნებს შეიცავს.
ტარიელ ნაკაიძემ აღნიშნა, რომ ისეთი პოლიციელები არიან დაწინაურებულები, რომლებიც შეურაცხყოფას აყენებდნენ მუსლიმებს და ცდილობდნენ მათ დაჩაგვრას.
„არ ვფიქრობ, რომ ღოღობერიძე, ამ შემთხვევაში, ძალიან დიდი აქტორი არ არის ამ თემის. ამ თემის მთავარი აქტორი არის ხელისუფლება, რომელიც უნდა დაფიქრდეს და არა აქვს მნიშვნელობა, რომელი ხელისუფლება მოვა და ვინ იქნება სათავეში, ყოველთვის უნდა დაფიქრდეს, თუ რა სახის პოლიტიკა უნდა შეიმუშავოს რეგიონისთვის,“ - განაცხადა ტარიელ ნაკაიძე.
საუბარში მან ახსენა კახა კალაძის მიერ გაკეთებული განცხადებაც და მის მიერ ბოდიშის მოხდა მოითხოვა. ტარიელ ნაკაიძის თქმით, კახა კალაძემ აჭარლები ცალკე ეთნოსად მოიხსენია.
