გავრცელებული ინფორმაციით, თბილისში, გაგარინის მოედანზე მდებარე ერთ-ერთ რესტორანში მოქალაქე დაჭრეს.
ამ დროისთვის არსებული ინფორმაციით, მომხდარს წინ უძღოდა ურთიერთშელაპარაკება, ასევე დაშავებულია კიდევ სამი ადამიანი.
დაჭრილი ღუდუშაურის კლინიკაშია გადაყვანილი. ადგილზე ამ დრომდე მიმდინარეობს რესტორნის პერსონალის გამოკითხვა.
შინაგან საქმეთა სამინისტრო მომხდართან დაკავშირებით ჯერჯერობით კომენტარს არ აკეთებს.
