გაზეთ "ქრონიკა პლუსის" რედაქტორის ელისო კილაძის ვაჟი დაკავებულია გაზეთ "ქრონიკა პლუსის" დამფუძნებლისა და მთავარი რედაქტორის ელისო კილაძის უფროსი ვაჟიშვილი დაკავებულია, - ინფორმაციას თავად ჟურნალისტი ავრცელებს. როგორც სტატუსიდან ირკვევა, მან ამ დრომდე არ იცის, რომელ განყოფილებაშია გადაყვანილი დაკავებული. "ჩემი უფროსი შვილი საბურთალზე დაკავებულია-ამ წუთას შემატყობინა უცნობმა პირმა. ვეძებ ადვოკატთან ერთად! შსს ვითხოვ ინფორმაციას -სადაა გადაყვანილი და ვინ დააკავა!", - წერს ელისო კილაძე.
"წავედი ქალაქის მთავარ სამმართველში ადვოკატთან ერთად. რაზეა დაკავებული არ ვიცი.
ერთი რამე იცოდეთ-რაც არ უნდა მოხდეს მე თქვენი არ მეშინია.!!!!!" - წერია მის მეორე პოსტში.
ცნობილი გახდა, რომ მას ბრალი სისხლის სამართლის კოდექსის 260-ე მუხლით ედება, რაც ნარკოტიკული საშუალების შეძენას, შენახვას, დამზადებას, გადაზიდვას, გადაგზავნასა და გასაღებას გულისხმობს.
