თუკი ხელისუფლება სტრასბურგის სასამართლოს გადაწყვეტილებას არ შეასრულებს, ეს ძალიან მძიმე შედეგის მომტანი იქნება.- განაცხადა ,,კურიერთან” საუბარში იუსტიციის მინისტრის ყოფილმა პირველმა მოადგილემ თინა ბურჯალიანმა.
„ძალიან სამწუხარო იქნება, თუ ხელისუფლება დაიწყებს სხვადასხვა გზების ძიებას, როგორ არ შეასრულოს ეს გადაწყვეტილება. ამის მაგალითი ევროსაბჭოს წევრ სახელმწიფოებში მხოლოდ რუსეთმა დაუშვა,“ - განაცხადა თინათინ ბურჯალიანმა.
მისი თქმით, „სტრასბურგის სასამართლოს გადაწყვეტილება ქვეყანაში სამართლებრივად ცვლის ბევრ რამეს, ყოველ შემთხვევაში, დღემდე ეს ასე იყო".
„შესაძლებელია, მცდელობა ჰქონდეს ხალვაშს, ან სხვა ვინმეს რომ რაღაცნაირად გვერდი აუაროს ევროსასამართლოს გადაწყვეტილებას. ასეთი მცდელობის შესაძლებლობა არსებობს, მაგრამ შეუძლებელია, ეს მოხდეს იმგვარად, რომ არ დაირღვეს ევროსასამართლოს გადაწყვეტილება დროებითი ღონისძიების დაკისრების შესახებ,“ - აცხადებს ბურჯალიანი.
თინათინ ბურჯალიანი უმრავლესობის წევრების მიერ გაკეთებულ განცხადებასთან დაკავშირებით, სადაც ისინი ამბობენ, რომ სტრასბურგი ვერ ცვლის უზენაესი სასამართლოს გადაწყვეტილებას. ამბობს, რომ „ევროსასამართლოს შეუძლია, ეროვნული სასამართლოს გადაწყვეტილებები გამოაცხადოს კონვენციის საწინააღმდეგოდ და დააკისროს სახელმწიფოს ვალდებულება, რომ უზრუნველყოს კონვენციით დაცული უფლებების სრული პატივისცემა ქვეყანაში“.
რუსთავი2-ის საქმეზე სტრასბურგის სასამართლოს გადაწყვეტილების შემდეგ შესაძლოა, ქიბარ ხალვაშმა, ტელეკომპანიაზე კონტროლის ასაღებად, საკონსტიტუციო სასამართლოს მიმართოს. მიმართვის საფუძველი კი საკუთრების საკოსნსტიტუციო უფლების შეზღუდვა გახდეს.
„იურისტები ვფიქრობთ, რა შეიძლება იყოს გამოსავალი ამ შემთხვევაში ისე, რომ საკურების უფლებაც დაცული იყოს და გამოხატვის თავისუფლებაც დაცული იყოს. გვაქვს ამაზე ფიქრის უფლება და ეს არ ნიშნავს იმას, რომ დღეს მოხდება რამე ან ხვალ,“ - აცხადებს პაატა სალია.
