ნაციონალური მოძრაობა სისხლის სამართლის საპროცესო კოდექსში ცვლილების შეტანის ინიციატივით გამოდის. თინათინ ბოკუჩავას თქმით, გაუთქმელობის ხელშეკრულების გამოყენების უფლება არა ბრალდების მხარეს, არამედ სასამართლოს უნდა მიენიჭოს.
დეპუტატის განმარტებით, არსებული რეგულაციით არ არის დაცული მხარეთა თანასწორობის პრინციპი. ნაციონალური მოძრაობა ახალ ინიციატივაზე კონსულტაციებს არასამთავრობო სექტორთან გეგმავს.
„ამ ინიციატივით ჩვენ მივმართავთ უმრავლესობას, გვექნება ასევე კონსულტაციები არასამთავრობო სექტორთან, რადგან ვთვლით, რომ ეს ცვლილება, შეუწყობს ხელს იმას, რომ დაცული იყოს მხარეთა თანასწორობის პრინციპი,“ - განაცხადა თინათინ ბოკუჩავა.
